Өзің едің тірегім де,
Жыр боп тұндың жүрегімде.
Мені сендей түсінетін
Кім бар екен бұл өмірде?!

Қайырмасы:
Жарқын құшақ жайған айым,
Ниетіңе сай болайын,
Мені сүйген жүрегіңнің
Лүпілінен айналайын.

Әнін әнге жалғассын деп,
Келеді арман алға сүйреп.
Менің кемем өрге жүзсе,
Сен қуандың алғаш рет.

Қайырмасы:
Жарқын құшақ жайған айым,
Ниетіңе сай болайын,
Мені сүйген жүрегіңнің
Лүпілінен айналайын.

Саған мәңгі борыштармын.
Көңіліме қоныстандың.
Азаматтық ажарыңа
Мақтау айтсам намыстандың.